Ternera Gallega

Dous novos seminarios seguen afianzando as actividades que Ternera Gallega dirixe á formación de diferentes colectivos, desde estudantes de hostalaría e chefs a carniceiros e cadeas de distribución. Nesta ocasión, a IXP recibiu na súa sede a unha vintena de profesionais de carnicería de Gadis e aos cociñeiros e cociñeiras doutros 16 comedores escolares de varios puntos de Galicia. O obxectivo é  que coñezan mellor a carne amparada, as cualidades que a distinguen e as posibilidades gastronómicas das súas pezas.

As ganderías inscritas na IXP Ternera Gallega e/ou na IXP Vaca Galega-Boi Galego, que cumpran os requisitos para subvencionar os gastos de marcaxe, teñen de prazo para solicitar as axudas entre o 23 de abril e o 27 de maio.

Poden ser beneficiarias as persoas ou grupos de persoas físicas ou xurídicas que se incorporaran ás IXP nos últimos 5 anos e que teñan gastos de marcaxe superiores a 50 euros. O período subvencionable abrangue dende o 1 de maio do 2024 ata o 30 de abril deste ano. 

Dentro dos actos escolares para celebrar o Día Mundial da Saúde, Ternera Gallega ofreceu unha charla sobre alimentación que se dirixiu a máis de 200 alumnos -de entre terceiro e sexto de primaria- do centro plurilingüe Barrié de la Maza de Santa Comba. Ademais de falar sobre a orixe dos produtos que consumimos e a súa importancia para manter unha dieta sa e equilibrada, os cativos e cativas puideron degustar a carne certificada pola IXP.

O director de Promoción, Luis Vázquez, explicou os estudantes as achegas nutricionais da carne de vacún, como as proteínas, os minerais ou as vitaminas, necesarias para unha alimentación completa e variada. Tamén lles ensinou de que tipo de explotacións procede Ternera Gallega e as razas admitidas na denominación, como a Rubia Galega ou a Cachena, ben coñecidas por algúns cativos con gandería nas súas casas. Ademais, resaltou a relevancia destas producións para manter vivo o medio rural.

As Indicacións Xeográficas Protexidas Ternera Gallega e Vaca Galega-Boi Galego participaron unha edición máis no Salón Gourmets, unha das feiras de alimentación de alta gama máis destacadas do panorama gastronómico profesional, que se celebrou en Madrid entre o luns 7 e este xoves 10 de abril. Ante máis de 150 persoas, ambos selos de calidade ofreceron tres showcookings protagonizados polas súas categorías comerciais de maior nivel: Ternera Gallega Suprema e Boi Galego Selección. Dous deles desenvolvéronse nos stands da Axencia Galega da Calidade Alimentaria e da Consellería do Mar e o terceiro, na Aula Gourmets do Salón. 

‘Reinventando os clásicos a través da técnica’. Baixo esta premisa, o Consello Regulador ofreceu dúas demostracións culinarias sobre Ternera Gallega e Vaca Galega-Boi Galego na décima edición do Galicia Fórum Gastronómico, en A Coruña. Un deles desenvolveuse no Espazo Taller da propia feira e o outro, na Aula de Catas da Xunta de Galicia, cunha asistencia total de máis de oitenta persoas. 

Ata seis pezas diferentes conformaron o menú destes showcookings, dirixidos por Javier R. Ponte “Taky” a través diferentes tipos de preparacións e técnicas de cociñado. Comezou coa carne certificada de Ternera Gallega Suprema Ecolóxica, da que presentou un tartar elaborado coa man de diante (espaldilla) con aliño cremoso de herbas. Tamén empregou o redondo desta categoría comercial para dúas receitas diferentes: un rosbif con foie e piñóns e unha milanesa acompañada de xema de ovo e cogomelos. 

A Indicación Xeográfica Protexida impartiu esta semana un seminario formativo a carniceiras e carniceiros de Gadis, Familia e Cash Record de diferentes puntos de Galicia. Máis de 30 persoas asistiron a este curso co obxectivo de afondar nas cualidades diferenciais das carnes certificadas e poder transmitilas aos seus clientes, poñendo especial atención nas pezas do canal menos coñecidas e nos seus usos culinarios. 

O director de Promoción do Consello Regulador, Luis Vázquez, explicou o significado do selo IXP e o aval que supón sobre a calidade dun alimento, sustentándose na súa orixe xeográfica, nas tradicións ligadas á súa produción e na vinculación co territorio. Tamén bordou o tipo de animais e razas admitidos – tanto en Ternera Gallega como en Vaca Galega-Boi Galego-, o seu sistema de crianza e a alimentación que reciben segundo as diferentes categorías comerciais.